Menu

 

 

 

Cart

П&О - цитати

  1. НЕДЕЛА

Прашање: Свами неодамна ми стана јасен концептот на самодоверба (self -confidence). Кога сакаме да си го развиеме карактерот и самодовербата, каков фактор во тоа одигрува  предавањето на Бог? Не ми е јасно. Иако сакаме да се потпреме на Свами да ни помогне во сѐ, дали тоа ни овозможува да го зајакнеме карактерот и да ја развиеме самодовербата?

Свами: Мораш да го разбереш значењето на зборот „себе“ (на анг.self)  кој го употреби. Една птица си седи на гранката од едно дрво, поради ветрето гранката продолжува да се ниша, но птицата не се грижи за гранката. Ако некој човек седи гранка, тој многу ќе се загрижи затоа што знае дека, ако гранката се скрши и падне, тој ќе падне исто така, но птицата мирно си седи на гранката бидејќи не се потпира на гранката, туку на снагата на нејзините крилја. Во случај на опасност веднаш ќе одлета. Се потпира на себе си, не зависи од нишањето на гранката  и затоа не се плаши и не е  загрижена. Вистинското себство е божественоста во  вас. Поради таа  божествената моќ ви бие срцето , можете да дишете секој момент, очите можат  да гледаат, ушите да слушаат и храната да се вари. Сѐ се случува поради оваа божествена моќ. Ако зависите од оваа божествена моќ, многу добро знаете дека нештата не се во вашите раце; Бог е тој кој прави сѐ преку вас. Тоа е вистинската самодоверба. Да зависиш или да се  потпреш на вистинското себство, кое е Бог е вистинска самодоверба. За предавање зборуваме кога мислите дека нешто ви припаѓа вам и тоа сакате да му го понудите на Бог. Ако ништо не ви припаѓа вам – како прво тоа му припаѓа на Бог   -- тогаш каде тука станува збор за предавање? Предавање значи дека има двајца, едниот си ти, а другиот е Бог, но се му припаѓа на Бог, сѐ постои поради Бог, нема што да се даде. Затоа ако вистински верувате дека Бог е тој кој прави сѐ преку тебе,и вистински зависите од Бог, тогаш нема да има чувство на его ,нема да има чувство на врзаност кон ништо, нема да има чувство на разликување или диференцијација помеѓу нештата. Ќе знаеш дека истиот Тој Бог кој управува преку тебе, управува и преку сите други исто така. Сите се марионети  во рацете на Бог. Бог одлучува  за  секој како треба да ја одигра својата улога.  Ако го поседувате ова длабоко чувство на разбирање на природата на нашите животи и зависите од Бога, којшто е навистина вистинскиот управувач, и покрај тоа што е невидлив, исто како што и кукларот (оној којшто ги држи куклите на конци позади сцената) кој  не се гледа, ќе развиете вистинска самодоверба  ослободена од егото.

Довербата не е его, довербата е сила да се справиш со секој предизвик без страв, безусловно знаејќи дека Господ е со тебе. Преголема доверба - води кон его. Што е преголема доверба? Тоа е кога мислиш дека сѐ што правиш, си ти оној кој го прави, и дека ништо не може да те повреди, и дека ништо не може да те сопре. Овој вид на несакано его е преголема самодоверба, но личноста која е целосно самоуверена и со самодоверба, која зависи од себството е секогаш покорна, секогаш ќе биде во мир.  Така што, не постојат две различни ситуации како предаденост и независност. Независноста  е само по себе предаденост, затоа што ти навистина зависиш од Бог, и од никој друг.

                            23 Септември-Мурлвимба, Нов Јужен Велс - Австралија

 

  1. НЕДЕЛА

Прашање: Свами. Ти го напушти твоето тело на 86 годишна возраст.  Рече дека го напушти  телото, бидејќи стариот автомобил веќе бил истрошен. Бидејќи си  сезнаен, не можам да поверувам дека  не знаеше дека ќе сè  се случи тоа, додека сè уште беше во своето тело. Ти никогаш не го спомна тоа, те молам кажи ми?

Свами:  Кога  се родив во Путтапарти, во овој облик на Сатја Саи, 14 години на никој немав кажано кој сум Јас, сите ме викаа Раџу, никој не ме викаше Саи Баба. Така беше сè до денот кога одлучив да му дадам до знаење на светот дека Јас сум реинкарнација на Ширди Саи Баба.  Сите мои љубопитни пријатели ме прашуваа: „Зошто не ни кажа до сега, и покрај тоа што сме толку блиски , дека ти си всушност Ширди Баба? Зошто го кажуваш ова сега, денеска?“ Им реков: „ сега дојде вистинското време да ви кажам, и  ви кажав“.

Во една друга прилика, во 1963,  Кажав дека не само што сум Ширди Баба, Сатја Саи Баба, туку Јас сум и Према Саи. Од 1926 до 1940 година луѓето не знаеја дека јас бев Ширди Баба, од 1940 до 1963 никој не знаеше дека Јас ќе бидам Према Саи. Така што, кога  дојде времето, Јас го обелоденив тоа што требаше да се знае.

Слично на тоа, сега кога дојде времето да ви кажам каква е мојата мисија понатаму, затоа ви  кажувам сега.

Дали гледаш филмови? Ако ја откриеш тајната на почетокот на филмот никој нема да го догледа филмот до крај ! (Смеа и аплауз).

Ова е најмоќното, најсветото и највозбудливото време на оваа божествена инкарнација. Само оние кои ќе имаат трпение да го гледаат филмот од почетокот, ќе дознаат каков е крајот. Има филм пред интервалот, и филм после интервалот. Секако, делот после интервалот е далеку подраматичен од оној  пред интервалот.  Они кои  мислат дека интервалот е крајот  и стануваат да си одат, никогаш нема да видат што следува после тоа. За нив филмот завршува тука и  си одат со половична приказна, со пола вистина. Оние кои  чекаат трпеливо, ќе ја дознаат вистината.

Никој не може да ги разбере патиштата господови.  Аватарите се единствени, тие се мистерија дури и за мистиците, мудреците и светците. Во сите три светови тие се уникатни. Патот на Аватарот е мистерија. Тешко е да го разбереш, но лесно е да го искусиш. За тие кои имаат трпение и верба, филмот продолжува, и тие ќе го видат вистинскиот крај. Останатите ќе останат на пола пат, тие само ќе дебатираат, ќе се прашуваат и расправаат за тоа што следува, но никогаш нема да ја дознаат вистината.

                                                                  6 Април, 2016 - Минхен, Германија

 

  1. НЕДЕЛА

Прашање: Колку долго ќе остане Сатја Саи Баба во своето суптилно тело, пред да дојде во физички облик како Према Саи?

Свами:  (Шеговито) Ако ви  кажам немојте да кажувате на другите? Задржете го за себе!

Поклоникот:  Сите сакаат да знаат.

Свами: Ќе продолжам на овој начин, додека Аватарот Према Саи не наполни 19 години и продолжи со мисијата. Колку е стар тој сега? Тој има 7 и пол години. Има време до тогаш.  Сегашниот облик ќе остане уште 10 до 12 години, додека дојде Према Саи , и ја преземе мисијата.

Денеска, исто така сум во Ширди,  како Ширди Саи, и како Сатја Саи исто така. Утре, ќе бидам таму како Према Саи. Не значи дека Ширди Саи, и Сатја Саи ги нема ако Према Саи е тука. Ќе дојдам тука во тој облик за тие посветеници кои ме обожуваат во тој облик. Заради мисијата, да, кога Према Саи ќе наполни 19 години Тој ќе преземе одговорност за сѐ . Тој исто така ќе дојде во Маурициус. До тогаш, вие ќе имате огромен мандир во Маурициус- храм на Према Саи . Сите поклоници ќе одат во мандирот , и Према Саи ќе дојде таму.Неговата главна задача ќе биде да патува по светот, не  само во Индија, затоа што Му припаѓа на целиот свет и ќе се сретне со многу луѓе ширум светот. До тогаш, светот ќе се измени многу, луѓето ќе се заситат од материјализмот, и  ќе се обидат да најдат среќа во сите надворешни нешта, но нема да можат да ја најдат. Тогаш, сите ќе почнат да се свртуваат навнатре. Така, тој ќе биде духовен учител, кој ќе оди по светот, подучувајќи ги луѓето на највисоката вистина. Ова ќе се случи исто така. До тогаш ќе биде вака.

                                                            12 Декември, 2018 година - Маурициус

 

  1. НЕДЕЛА

Прашање:  Одам во Путтапарти секоја година. Останувам два до три месеци и цело време чувствувам дека си со мене. Како и да е, кога ќе го напуштам Путтапрти, и заминам за Лондон или  кое било друго место, не го чувствувам твоето присуство цело време. Како можам да го почувствувам Твоето присуство? Можеш ли да ми објасниш?

Свами:  Во Путтапрати, ти се оттргнуваш од сите други муабети, разговори и расправии, и затоа умот е слободен да мисли на Мене. Јас сум со тебе и тука и таму исто така. Ако погледнеш на исток, нема да можеш да видиш што е на запад. Слично на тоа, ако твојот ум се фокусира на светот, ќе се оттргне од Бога. Прекини ги твоите врски, разговори,  односи, исто како што го правиш тоа кога си во Путтапарти и тоа ќе ти помогне да се фокусираш на мене и ќе го чувствуваш моето присуство почесто. Јас секогаш чекорам покрај тебе, но ако гледаш во погрешна насока, како ќе го почувствуваш моето присуство? Дисциплинирај  го својот ум да се однесува исто како што се однесува во Путтапарти, каде и да одиш; тогаш цело време ќе го чувствуваш моето присуство. Тоа се постигнува со практикување.

                               3 април, 2016 - Саи Грејс во салата Потон , Сафолк - ОК