Menu

 

 

 

Cart

П&О - цитати

Недела 1:

Прашање:  Свами, како да го развиеме внатрешниот глас, за да можеме да добиеме јасно водство од Тебе?

Свами: Види вака, злато мое  (бангару), внатрешниот глас е секогаш таму, само што има премногу бучава околу него. Го потопува внатрешниот глас, и затоа  не можеме да го чуеме. Во оваа хала, ако зборува Свами и истовремено почнат и сите останати да зборуваат, очигледно е дека гласот на Свами ќе биде изгубен и ќе се слуша само бучавата. Умот исполнет со желби и врзаности ја прави целата бучава. Прави огромна бучава. Во таа бучава направена од умот, гласот на срцето не може да се чуе. И покрај сé, Јас секогаш ви зборувам, цело време. Како и да е, бидејќи  не обрнувате внимание на тоа што ви го зборувам и го слушате само својот ум,  не можете да ме слушнете. Ако можете да ги контролирате своите желби, ако ги промените своите посакувања од себични во несебични, ако го прочистите својот ум, да биде смирен и исполнет со тишина,  дефинитивно ќе го чуете гласот што доаѓа од вашето срце. Во соба во која што сите молчат, може да се слушне само оној што зборува. Кога сите зборуваат, никој не може да го слушне оној што зборува. Намалете ја бучавата на умот. Не треба да работите на тоа да го зајакнете гласот на вашето срце, тој е секогаш таму. Само намалете ја бучавата на вашиот ум. Колку  повеќе станувате несебечни, толку повеќе станувате тивки.  Колку сте потивки, толку почисто може да го чуете Саи.

Божествен говор САД- Сончева долина,

Калифорнија,16 јуни, 2015

 

 Недела 2 :

Прашање:  Ќе можеш ли те молам да дефинираш што е простување и како да го постигнеме?

Свами: Единството е простување. Кога вашата десна рака ќе го повреди вашето око, вие не ја казнувате  раката. И простувате на десната рака бидејќи знаете дека таа рака исто така ви припаѓа вам,  како и вашето око. Кога ќе размислите дека обете се дел од вас, не станува збор за казнување или простување. Всушност, со истата таа рака вие си ставате маст на окото, нанесувате лек или балсам и си помагате да заздрави. Само тогаш кога ќе бидете свесни дека сите  сте Едно, дека сите  сте дел од истиот принцип, дека не сте различни едни од други, тогаш навистина ќе знаете  да простувате. Кога навистина љубите, тогаш навистина простувате, кога навистина ќе почуствувате дека сте Едно, тогаш навистина ќе простите. Затоа  велам: „Љубовта живее од давање и простување“ затоа што љубовта знае дека сите се Едно. Кога знаете дека обете и јазикот и забите ви припаѓаат вам, не си ги вадите забите. На истиот начин, ако вистински љубите и чувствувате дека сите се Едно со вас, тогаш ќе простувате многу лесно. Всушност нема ни да стане збор за простување, ако знаете дека се случило поради незнаење или случајно.

Божествена посета во Австралија, Мурвилумба,

Нов Јужен Велс - 23-24 септември, 2015

 

 Недела 3:

Прашање:  Свами, кажи ни нешто за Буда, нешто што никој го нема запишано или искусено, нешто што само ти го знаеш?

Свами: Сите  го обожувате Буда како просветлениот, но никој од вас не знае низ што поминал  за досегне  просветлување. Никој од вас не знае за огромните тешкотии низ кои  морал да помине - навредите, потсмевот, за многубројните противници и одбивноста на луѓето кои што го протерувале  од  селата, кога  одел да проповеда. Им кажувал дека  не треба да се поврзуваат само со светот, бидејќи светот е привремен и е полн со тага, и дека највисоката среќа и мир лежи зад светот. Наместо да го слушаат, тие го бркале со стапови! Еднаш  толку многу го претепале, што до својата смрт  носеше белези под левото рамо на грбот. Селаните го тепале и бркале од нивните села.

14 јули, 2017- Шри Ланка

Недела 4:

Прашање:  Свами, како да им помогнеме  на луѓето кои  немале  среќа да Те запознаат?  Чувствуваме во нашите срца дека би било добро да знаат за Тебе.

Свами:  Она што ги спречува луѓето да се соочат со вистината е стравот дека тоа што веќе го знаат е всушност вистината и дека нема друга вистина.  Во моментот кога човек си мисли дека знае сѐ, не остава простор да го подучуваш. Само оној кој е покорeн и има отворен ум, може да ја научи вистината. Затоа, само оние кои имаат отворен ум и се покорни можат да го разберат ова. Никој не може да дојде кај Мене, освен ако Јас не посакам. Само оние кои се покорни ќе присуствуваат во мојот клас. Првиот услов е понизноста. Сите дрва кои што раѓаат плодови се наведнати надолу. Само дрвата кои што немаат плодови се исправени нагоре. Ако имате понизност, ќе научите.

                                       16 април, 2015 - Торино, Италија